الخميس، 29 ديسمبر 2011

نص حالة


ياللى ناسية إنى شاعر
قلم فـ بحر الشعِر غاص
سهل احبك فى بيت قصيدة
وارسمك لوحة برصاص
واما اكرهك اكتب عريضة
وصورتك احرقها وخلاص
عُمر حزنى يادوب دقيقة
كام دقيقة من الرُخاص
وارجع افرح ويا غيرك
فيلم تانى وعرض خاص
مانتى برضو نُص حالة
نُص من ضِمن النُصاص

الأحد، 18 ديسمبر 2011

طَرَف تالِت


طَرف تالت ماسك اجندة
بين صوابعه الخارجية
قَتل الشيخ حَرق المَجمَع
براءة الجيش نامى يا داخلية
ها يا ثوار ما تطّفوا النار
فين ثورتكو السلمية ؟!!
بتلعب كورة على صوت شماريخ
بين العسكر والحرامية .

مجلسنا يا مجلسنا يا مجلس
وانت مشير والنعمة كويس
كل يوم تِصدر فى بيان
يلقيها فنجرى وعنان
وتشاور عواجيز بتهيس

كلمة وقالها الجنزورى
مظاهرتكم واقفة فى زورى
هاتسيبونى اشوف شغلى
ولا اخرها حاييجى دورى

حزب شيوخ بمنطق مشروخ
لو البنات لابسين باديهات
غضو النظر ع الانتهاكات
خايفين على كرسى وطبلية

وانتى نازلة ليه؟
والثورة دى ايه ؟
والله ماعرف يا سعادة البيه
بدور على عيش وحرية
وعدالة اجتماعية
لا لقيتها فى طوب الثوار
ولا حتى طابور الجمعية

الأحد، 13 نوفمبر 2011

اصحاب الفرح



الله اكبر الله اكبر الله اكبر لا اله الا الله الله اكبر الله اكبر ولله الحمد

وبدات تكبيرات يوم العيد وبدات انا فى اتباع سنة الحبيب متطهرا مكبرا قاصدا وجه الله وسنة رسوله ناويا الصلاة فى ساحة المسجد , وجدت الساحة ممتدة على احد جانبى الطريق محددة بسرادق بسيط ومحاطة بلافتات الدعاية الانتخابية والصور الدعائية ليعمل الاتجاهين فى اتجاه واحد وشباب ينظمون المرور لارشاد السيارات وكانهم (( اصحاب الفرح )) معلقين شارت موحدة وزى يكاد يكون موحد , لم التفت كثيرا واتخذت اقرب مكان لصلاة السنة وبعدها اندمجت مع جمهور المكبرين ..

الله أكبر الله أكبر الله أكبر لا إله إلا الله الله أكبر الله أكبر ولله الحمد


يحيطنى من كل جانب صور المرسجين وقوائم الاحزاب التى تسرق نظرى وتثير فضولى ما بين الرموز والاسماء بعضها اعرفه وبعضها ابغضه وبعضها اجهله , على الجانب الاخر من الطريق يسير المارة منهم من يدخل السرادق ويستقر فى مكان ويصلى او سيدات محجبات ومنقبات تقصدن مصلى السيدات داخل المسجد او سافرات لا يبدو ان المصلى مقصدهم , لم التفت كثيرا واخذت فى التكبير ..

الله أكبر الله أكبر الله أكبر لا إله إلا الله الله أكبر الله أكبر ولله الحمد

يقود التكبير حلقة من الوجوه التى صليت معها العام السابق لم يتغير فيها سوى هذا الجلباب الناصع واللحية الجديدة والشارات الموحدة ومع ختام وانتباه الجميع محاولين ازاحه الصور والرموز والمكان الجديد والطريق المزدحم من رؤسهم ليعلو صوت التكبير .. العامة يكبرون والقادة يتلعثمون وكانه صراع بين صوت العامة الذى يكبر تلقائيا تكبيرا صحيحا وصوت الخاصة الذى المكبرات والميكروفون

الله أكبر الله أكبر الله أكبر لا إله إلا الله الله أكبر الله أكبر ولله الحمد الله أكبر كبيرًا والحمد لله كثيرًا وسبحان الله بكرة وأصيلاً، لا إله إلا الله وحده صدق وعده ونصر عبده وأعز جنده وهزم الأحزاب وحده، لا إله إلا الله ولا نعبد إلا إياه مخلصين له الدين ولو كره الكافرون، اللهم صل على محمد وعلى آل محمد وعلى أصحاب محمد وعلى أنصار محمد وعلى أزواج محمد وعلى ذرية محمد وسلم تسليمًا كثيرًا

وبعدما انتهينا من صلاة العيد " اجلسوا اجلسوا رحم الله من جلس " قالها الامام
وهكذا فعلت لاصيب السنة محاولا الاستفادة من خطبة الامام وجاهدت فى الانتباه لولا الاولاد يوزعون منشورات (( لماذا نختار الاسلام // القوى الامين // لسنا فى فرنسا //دمعة على الاسلام .. وغيرها (( اطبقت الورقة لاستعيد الانتباه واكمل الخطبة لولا الاولاد يوزعون قوائم الاحزاب وصور المرشحين حفظتها فى جيبى لاستعيد الانتباه واكمل الخطبة لولا الاولاد يوزعون الالعاب والاكياس على الاطفال ولم يكن لى فيها نصيب فهى للاطفال وعليها رمز الحزب وشعاره , الى ان انتهت الخطبة ليبدا سباق المصافحات صافحت كل من فى طريقى حتى من اختلف معهم من (( اصحاب الفرح )) وخالفت طريق الذهاب فى العودة لاتم سنة صلاة العيد ..

وتمنيت ان اصرخ بكل ما فى من قوة بانى لست منهم((اصحاب الفرح )) فى شئ وما جمعنى بهم الا الصلاة وما قصدت منها الا وجه الله وسنة رسوله وحسبى الله فى كل من استخدم دين الله ليشترى مقعد فى البرلمان وحسبى الله فى كل من وضع الاسلام فى صندوق وحسبى الله فى كل من فرقوا دينهم وكانوا شيعا ..

السبت، 12 نوفمبر 2011

بُــكرا





جايى بكرا نهار جديد، نفرح فيه ويفرح فينا
نزرع الأرض مواعيد وحب أمل وين ما مشينا
وبكرا تجمعنا الأيام على الخير وع السلام
يادنى سوا سوا، سوا منلون الكون بأغانينا

مين القال ما نقدر، نغير وجه الكون
شو تقول لو محين ، الظلمه بصباحات اللون
آمن! ع كل المفارق، تضحك لينا الطرقات
وإنو ولا ولا حدا مارق، مرقة غيمه ب هالحياه

نقدر نوصل حتى الشمس
اللي نحتاجه الايمان.. الحب ونكران النفس وصداقة كل الاديان

من كل عرق ومن كل جنس
صحي ضميرك يا انسان
بكرا اللمه الحلوه تعود نزرع كل الارض ورود

بكرا يومك يا بلادي نملا الفرحه بكل مكان
نبنى المستقبل لولادي يعيشو بخير وامان

جايى بكرا نهار جديد، نفرح فيه ويفرح فينا
نزرع الأرض مواعيد وحب أمل وين ما مشينا
وبكرا تجمعنا الأيام على الخير وع السلام
يادنى سوا سوا، سوا منلون الكون بأغانينا

كلما صباح يهدينا وردى وشمس نهار جديد
صوب الجاي يودينا مهما بكرا يكون بعيد
فى أحلام بتناجينا وفى ضحكة بتنادي
والاحزان نقدر بأيدينا نغيرها نقطه تحول عيد

نحنا صوت الخير شمس الأيام
نحنا يوم جديد ، راية سلام
نحنا نايات الحب وروح الأنغام
نحنا ألف ليلى وليلى من شرق الأحلام

مستينا جناح الهوا بكرا نكون احلى سوا
افتح ابواب الامل ليل العتمه انتهى

احنا ولادك يا بلاد يا بلاد
يا شمس يا شموسه يا حلوه عروسه
نتمنى بكرا السلام تنور علينا شموسا
وانا وصحابى الحلوين احمد وعيسى وموسى
واطفال العالم كلو خد السلام نبوسه


جايى بكرا نهار جديد، نفرح فيه ويفرح فينا
نزرع الأرض مواعيد وحب أمل وين ما مشينا
وبكرا تجمعنا الأيام على الخير وع السلام
يادنى سوا سوا، سوا منلون الكون بأغانينا

يا بلادي . . بحبك يا بلادي

اه ااااه بحبك يا بلادي

من كلمات : ماجده الرومي ..

مشارك فيها الكلمات .. كريم العراقي .. د. نشوى جرار




الأحد، 6 نوفمبر 2011

السبت، 10 سبتمبر 2011

بركان



حذرتهم من البداية ..

قلت لهم ان بداخلى بركان من الغضب والقسوة تسبقه انهار من الصبر والرحمات وبرغم تحذيرى لهم يضحكون ويسبحون يقصدون الوصول للبركان , وكلما حاولت ان اغرقهم فى صبرى وعطفى ينجون ويضحكون ويسبحون ..
وهم اقرب الناس الى قلبى واكبرهم منزلة فى روحى ويعلم الله كم اتألم وانا ارى رصيد اهمالهم وتلاعبهم يفوق رصيد حبى وتقديرى لهم ..
استطيع ان اخسرهم بكلمة ..
استطيع ان اوجعهم بحرف ..
استطيع ان انساهم بصمت ..
واخسرهم جميعا واعيش بقلمى على الاوراق ولو اطاعهم قلمى اكسره وان تلونت بهم اوراقى امزقهم ولن يجدوا فى قلبى سوى الجفاء الذى تركوه فى جنبات روحى ..


الثلاثاء، 6 سبتمبر 2011

إنفعلات 2



انفعالا باحداث حياتى اليومية اكتب هذه الكلمات
واقتناعا بان مدونتى هى الابقى اعود لنشرها هنا ..






وبحبك حب جديد نوڤى
صحَّا شقاوتى وموِّت خوفى
سيبى الايام تقسا علينا
واصبرى وبكرة تشوفى


{.◕‿◕.}
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



ولى حبيبةُ .. تسكنُ دَفترى
تنام بقلبى وصوتها نبضات
تغار من قلمى إذا اكتب
ولكى اغار تُداعب الصفحات
تقرأ فنجـــانى وتبكى
إن رأت فيه اُخريــــات
حبيبتى .. وهل لغيركِ
اسقطت رايات النصـرِ
ورفعت بــِـيضُ الرايات
(◕‿◕)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


الحزن غير الفرح ..عليه جبروت
يرسم برعشة قلم وبلون الم مكبوت
على صفحة بيضا كـ حتة من قلبى
يرسم بوجعى طُرق ومن آلامى بيوت


..~

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مولـــود ..
خُطايا ف الطريق تاتا تـاتـا

مخلوق ..
مِتـبـت ف الحيــاه بتبــاتــة

مخنوق ..
ولــــو زادت عليــــا هـــوم

محـمود ..
يدوس عليها بكوتشي باتــا


{.◕‿◕.}
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


ماتخافش يا قرد مسيرك تلاقى نسناسة
تقول يا سيدى عالضب ودماغك القلقاسة
جميل جــــمال وفى عينــهـــا غــــــزال
ودى مـهرها مــوزة او بالكتير انــاســة

(◕‿◕)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


بتيجى سيرتك افتح صورتك
مالمحش غير شخابيط
اجيب الوانى ارسم من تانى
قلمى بيعمل عبيط
يا مجرد صورة تحفة واباجورة
مركونة جنب الحيط
ارسمك ازاى ..حلفت ياباى
مارسمش انا وطاويط
{.◕‿◕.}
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


كام الف شاعر سَطّروا دواوين
وصفوا عيون وخدود وبنات كتير حلوين
يقرا كلامك ينطق يقول : عجبى
شِعرك دا قولته إزاى يا عم جاهين
عجبى !!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



لــو حبـيـت يـوم حــد ..
ما تقولهاش بالســـاهل
حـــافـظ عليـــهـا بقلبــك
وفـــرها لـــحد يستـاهـل
واستنى وردة من حبيبك
شوكهــــا يجـرح الا ايـدك
ولــو للحـــب عطشــــان
بكــرة قلبـه يبـّـل ريـقـــك

{.◕‿◕.}

اتمنى ان تنال اعجابكم وان استحق تقديركم

الخميس، 1 سبتمبر 2011

الاثنين، 29 أغسطس 2011

كل عام وانتم بخير



بسرعة فات شهر الصيام
دوِّب معاه شَمع الفانوس
واخِد معاه فجر وقيام
سايب حَنين جوة النفوس
وهلال بعيد يلمع جديد
يحضن سما ف نجوم يبوس


وحبيبتى مرسومة ..
سُكر على كحكاية
العيد فى بسمتها
وعديتى ضحكاية
ياما نفسى اوصفها
او احكيها ف حكاية


و بلدى يا زينة
عروسة لابسة جديد
امسكى فى ايدى
دى توهة زحمة عيد
ما تشتريش بالونة
تاخدك وتجرى بعيد

الخميس، 14 أبريل 2011

بريئة يا مصر


(1)

أنا كُنت فاكر البلد دى

راكِبها 100 عَفريت

حاكمين مالكين وارثين

واكلين شاربين

وبيرمولنا الفتافيت

(2)

كُنت فاكِرهم .. ولاد ابالسة

مش زيّنا من طين

لا لا.. من حَجر جِرانيت

ما يقدر عليهم موت

ولا دود مقابر ولا توابيت

(3)

ولا دَعوة المظلوم بتحوّق

ولا صَرخة المحتاج بتفوّق

ولو تِنطق ف يوم تِتروّق

مستعبدينا ولاد التييييييت

(4)

وكُنت بقول :

يا مصر ليه ساكتالهم؟ !!

مكشرة ف وشى وضاحكالهم؟

ولو اسالك تقوليلى: إسالهم

اخاف ..

لايردو الكلام شلاليت

(5)

وكنت اتمنى اقولك وحشتينى

ارجوكى ماتكسفيش اشواقى

وتقولى إبعد بعيد

يا جعان يا عشوائى

لا تكتب على اسمى شِعر

ولا حتى فى الحواديت

(6)

فاجأة لقيتك مصر تانية

متّزوقة بفستان

متّزينة بماشالله

وجوز جرس حِلقان

بإبتسامة ستى ((مريم))

والصوت كأنه صوت ادان

مِتحنية بلون الدم

والزفة خارجة من الميدان

يا سِت الكل يا كايداهم

يا سابقة الكل وفايتاهم

رِجعتى مصر ايام زمان

(7)

عرفت يومها إنك حبيبتى

وإكتشفت إنك بريئة

كِدب عليا زمانى الاخرس

كان مدارى الحقيقة

وانا كُنت فاكرك قاتلانى

اتاريكى مدبوحة بنفس النَصل

وحاميكى يطلع حراميكى

آه من قليل الاصل

والسِم سارح فى عروقك

و شبابك مَصل

جيشك بيحمى الشرعية

والشعب همزة وصل

تمت.