السبت، 19 يونيو، 2010

مصر اختارت ظلمها



فى إطار حملتها الإعلانية الجديدة ( مصر هتختار طعمها) تقوم شركة شيبسى باستطلاع رأى المصريين للطعم اللى بيحبوه وطبعاً لان مصر دولة ديموقراطية من حقك تختار الطعم اللى يعجبك ومن حق الشركة تعمل اللى هى عاوزاه
طبعا الاعلان غير مخصص لظهور اى حد من ولاد اللذينة عامة الشعب لانهم ماحيلتهومش يشتروا شيبسى ولا نيلة
دة لما يعرفو اصلا يجيبو الزيت والعيش والسجاير الفرط ..

النجم الكوميدى الشاب احمد حلمى اصبح رغم انه ممثل كوميدى الا انه بيعبر عن احوال وظروف كتير من الشعب المصرى وعلشان كدة حلمى اختار طعم العسل الاسود انه يكون طعم مصر لانه بيشوف فى مصر صفات حلوة تخليها زى العسل لكن حالها اللى زى الزفت خلاها عسل اسود ومنيل بـ60 نيلة .



السيد احمد عز امين تنظيم الحزب الوطنى الحاكم وطبعا الديموقراطى وصاحب اكبر مصنع حديد فى مصر والشرق الاوسط واللى اختار طعم الحديد لانه باعتباره اقوى محتكر فى سوق الحديد فى مصر وان المحتكرين ياكلون فى بطونهم نارا معدته تقدر تهضم حديد عز وتقرقش عضم المصريين اللى جمع من قوتهم 60 مليار جنيه مصرى .


الضابط احمد عثمان طبعا اهالى سيدى جابر فى اسكندرية يعرفوه كويس وبيشوفوه كل يوم فى احلامهم قصدى كوابيسهم واللى اختار طعم الدم الاسكندرانى لانه بعد ارتفاع اسعار الحمة البتلو شاف ان لحم المصريين ودم الاسكندرانية ارخص بكتير وان يقدر يقطع ويشوى من غير ما يتحاسب .



وانت هاتختار طعم ايه؟؟

محمود قلماوى .

الأربعاء، 2 يونيو، 2010

شرق اوسط كبير


فى حَينا الشرقى ..

وشارعنا الاوسط ..

وبيتنا الكبير ..

.. تموت العروبة

لتحيا مُدنسة الحليب


فى كل يوم ..

نرى نفس العاهرة

ولم يصرخ احد

نُمارس الفحشاء ليلاً

والحرة باحضان الغريب


فى كل يوم ..

نرى مَزلتُنا

ونُصلى وندعو الله

او نُؤمّن بالصليب


فى كل يوم ..

نرى نفس العاهرة

ولا تَحمر الوجوه خَجَلاً

ولا نَغض البصر عَجَلاً

بل نُشاهد كالحبيب

ونُهديها اطفال غزة

تَسيل دماهم خمراَ ليرويها

نُهديها لحم الشهداء

تأكله سهلاً طيباً يُغذيها


فى كل يوم ..

نرى نفس العاهرة

تُثيرنا ولا نُثار

تَستبيحنا ولا نَغار

كيف صرنا كالواح ثلج

فى كؤوس من نار


فى كل يوم ..

نرى نفس العاهرة

فى الشاشات والاخبار

تقول واثقة : هَيت لك

فينظر اولنا لاخرنا

اجب انت .. هى تسالك

ويرد اخرنا :

فعلت ما يكفى واليوم لك


فى كل يوم

تشرب العاهرة كأساً جديد

وتقول : ما اجبنك

وتاكل كالنار اجسادنا

وتقول ما اجهلك

تمت .

محمود قلماوى.