الأحد، 1 نوفمبر، 2009

ابتعدى




لا تقرأى كلماتى
وتحاولى فهم السطور
انتى فى الصبا زهرة
وانا شاعر مخمور

حروفى كالوان الفراشاتِ

كاصوات الطيور

تطيب بحروفى جراحاتِ

وقلبى انا مشطور

واضئُ دروب العاشقين

بحروف اللؤلؤ المنثور

واغزو حصون الجميلاتِ

فاعود غانماً منصور

فاخشى عليكِ من غزواتى

من نزواتى

من قلبى الغيور

ارجوكِ ابتعدى …

لست انا من تنتظرين

انا طيفٌ يمر

فى دروب الكثيرين

لن احتمل اراكِ يوماً

امام عينى تنتحرين

لن اقبل يوم لقائى

على جِزعى تُصلبَين

اخشى ترمينى ظلماً

فى اقفاص المتهمين

وتقولى هو من خدعنى

واوهمنى بالحب سنين

لذلك سابرئُ قلبى

وساسجن دمعى حتى حين

لا تعشقى انفاسى..

فارغة من اى حنين

لا تشعلينى بانوثتك رجلاً

وتقتربى فتحترقين

لا تصدقى قولى شعراً

فانا كبيرُ الدجالين

أُمهد الشِعرَ فِراشاً

إياكِ عليه تنامين

إياكِ تقعى فى شَرَكى

وطُعم شِباكى تبتلعين

من قال ان الحب انا؟

انتِ؟ على نفسك تكذبين

من قال العشق محرابى؟

انتِ؟ هل ستترهبنين؟

من قال الهوى دارى؟

انتِ؟ الى متى ستعتكفين؟

صغيرتى لن اقبل حباً

كاصناماً من الفخار

ولن اضاجع قصص الهوى

لانجب منها الافكار

كيف اقتل رجولتى؟؟

او اوءدها كما الكفار؟؟

من يرضى ان يربح فكرة

ويوصم نفسه بالعار

ابتعدى ..لم اقصد حبك

فقط اقتربت

سامحينى علّ الله يسامحنى

على ما اقترفت

تمت.

الأحد، 27 سبتمبر، 2009

يا قلبى














سألونى عنك يا قلبى

قالولى : مين جواك؟
نادرين روحهم هدية
واهبين العمر فِداك
انا قُلت إنك مسافر..

عاوزين يسافرو وَرَاك

قولتلهم سفرك بعيد..
قال ايه : هانستناك

قولى وسرك فى بير
مين أغلى؟ مين شاغلاك؟
حرام تشغل قلوبهم
وتتعبنى انا وياك

قولى بتهوى الجميلة؟
ولا ام قلب ملاك؟؟
قولى تحب القريبة؟
ام الحنان ساقياك؟؟
إياك تِعشَق بعيدة..
علشان دى مطنشاك
شكلك بتحب جارتك
الواقفة فى الشباك

امال بتحب مين ؟؟
حيرت قلبى معاك
خليك سهران لوحدك
براحتك وعلى هواك
بسببك النوم خاصمنى
إنسانى..يا رب أنساك
شكلك غاوى عذاب

وحكايتى مش ناقصاك

تمت.

الخميس، 24 سبتمبر، 2009

يا مصر على قلبى عزيزة

فى عيونى اجمل موناليزا

من كل مكان بتضحكلى

من حضنها بتقربنى

من شط بحر ونهر نيل

علمتنى مافيش مستحيل

ولو الدنيا عليها تميل

تندهلى: يا واد يا تقيل

ارد واقول: يامو المنديل

جايلك ولو كان جسمى عليل

ببركَة من رب التساهيل

ودعوة من بعد الترتيل

اطيب جرحك بالمواويل

ونكتة مش محتاجة تاويل

يا مصر يامو النور قناديل

يا مصر اسمك فى القرآن

وَحى وتنزيل

لو كنتو نسيتو الهكسوس

طبعاً فاكرين اسرائيل

يا ام الدنيا انا مهما حاقول

كلامى كله عليكى قليل

تمت

صباح الخير يا نواب

صباح الخير يا نواب

احنا اللى فتحنالكو الباب

ودخلتو نسيتو الاحباب

قفلتو وعلقتو اللوحة

ممنوع تصوير او اقتراب



وانا ابيع صوتى واتعشى كباب

وادوس الصح علشان انساب

وعصبية من غير اسباب

وناس قالتلى الصوت بثواب

صدقتهم لكن طلعوا سراب

لان ربى عن بالى غاب

هو بيرزق كله بحساب



جماعة جزمهم رافعين

وصعايدة قِبلى مِلًسَمين

وعيون مفتوحة لكن نايمين

واخوة فى دقون غرقانين

بيتكلمو على طول بالدين

وحريم عاملين روحهم فاهمين

دة وغير اللى منهم محبوسين

كانو فاكرين روحهم شاطرين

والكل موافق والايد رافعين



قبل النهاية فى كلمة حق

لو انساها ابقا لئيم

في ما يخاف من قولة لاء

عامل حساب يوم الدين

و يحط ايده فى جُحر وشَق

لا يخشى عقارب ولا تعابين

تمت.

الخميس، 10 سبتمبر، 2009

رمضان بالمصرى

رمضان فى مصر فانوس وياميش

والزينة الوان كرانيش كرانيش

ومسحراتى عامل درويش

وسحورنا مدمس ابو تحابيش

يابويا هاتلى فانوس

اياك تقول ماعييش

وياما فكى الكيس

دة مش وقت التحويش

وعيال بتضرب مدفع

كانهم فى الجيش

وبالذِكر صوته يلعلع

مجذوب ولابس خيش

من اول ليلة و فجر

احفظ ادان الديك

حين سمعو صوت الذِكر

اباليس قالت يا فكيك

فى العشا و الفجر

فاكر زحمة جوامع

وساعة المغربية

فاكر سكوت الشوارع

فاكر نفسى زمان

بفانوس جانا رمضان

فاكر طعم الصيام

وموائد الرحمن

رمضان ايام جميلة

بسرعة تفوت وتعدى

بركة فى كل مكان

وخير فى بيتى ويَدى

وبعد كحك العيد

اشتاق لكٌنافة بلدى

تمت.

الاثنين، 3 أغسطس، 2009

اعترافات قاتل

طاردنى قهرى

و لحق بى استسلامى

فاودعونى زنزانتى القهرية

بلا تحقيق ..احكامهم عرفية

ولا مدة عقوبة..عقوبتى ابدية

فتهمتى شنعاء..ولن يقبلوا ديّة

لقد قتلت ..عمداً قتلت

احلاماً اسميتها وردية

ولا اذكر اداة جريمتى

بيداى؟ سكيناً؟ ام بندقية؟

لماذا هى لم تدافع

عن نفسها عن الوجودية

ولا اذكر اين قتلتها

فى قلبى؟ ام برأسى الجمجمية؟

كيف اقتل الواناً وحروفا ابجدية

زهوراً حمراء وارجوانية

قيف اقتل من لم تمس الارض

معلقةُ فى شرفتى القمرية

مؤكد هى لم تمت

انتم دفنتوها نابضةً حية

اخرجونى لازيل ترابها

احرقها بطريقةُ وثنية

اخرجونى احضر غيرها

باقلامى وطريقتى الفردية

تمت .

الأحد، 26 يوليو، 2009

عريس لاسكندرية

يا اسكندرية .. يا بت البحر

ابوكى عامل فتوّة

جاى اخطبك وف جيبى مهر

او اخطفك بالقوة

خطابك كتير عاملين زحمة

انا افتكرته يوم الحشر

قالولى : لا دول معازيم

والعريس سيدى بشر

وعريس كمان شكله ابن ناس

الدنيا ف جيبه مقطورة

عرض المهر عربيات

وكام شاليه فى المعمورة

نزل عريس تانى من عربية

ليموزين ..نِمرها ممسوحة

عليها بدجات من هيئات

وناس سِككها مفتوحة

تشوفهم .. هاتعرفهم

اسال عليهم فى سموحة

وعريس لابس بدلة ونضارة

سوداا بتغطى العيون

ناس قالت بتاع سياسة

وكتير قالو تاجر افيون

ولقيت صبى طويل ونحيل

واكتافه من صخر .. منحوتة

اسمر ..عيونه كيف الصقر

منخار عريض

ومبسم اكبر من الفتفوتة

من قِبلى جاى لاسكندرية

يحوّش مهر لبهيّة

ولو اشتغل فى الكوتة

يا بحر هاتوافق على مين؟

حيتان بحرك ؟ولا الغلبانين؟

يا بت بحرى انا دوبت فيكى

وعلى فراقك بقيت مش قادر

وعشقت عجمى ومنشية

وشوارعك يا سيدى جابر

وسهرت اجمع فيروز

من انفوشى وكرموز

وقصر رمل فى ميامى

منقوش بمحار م الغالى

وشربت م المالح عشان بيا تحسى

ودعيت ربنا فى جامع المرسى

مهما اغيب ارجعلك تانى

ارجع ليكى .. الاقيكى

عروسة بتستنانى

تمت.

الخميس، 11 يونيو، 2009

خرجت من فنجانى



قصص الحب الجميلة

لم تناسبنى

فكتبت واحدة بيدى

وسطرت احرفها على جسدى

كتبت ذهابى لكى..

على قدمى

وعلى جسدى..

كتبت رعشة البرد

رسمت وردة احضرتها..

على يدى

وعلى الاخرى..

رسمت معطف المطر

لا اعرف ان كنت حلما

راودنى ليلا

ومع النهار يعود للنسيان

ام قصة اعجبتنى

استمد منها الالهام

يا من خرجتى من فنجانى

عارية الا من ابخرة القهوة

فالبستك ثوبا من فكرى

وبنيت لك بيتا فى قلبى

الهمنى سواد الليل

فاخترت لون شعرك

عشقت لمس الورد

فاخترت ملمس وجهك

سئمت رجاحة عقلى

فاخترت براءة عقلك

ناضجة هى افكارى

فاخترت طفولة فكرك

تعلمى منى الكلام

بحروف اشعارى

فلا شعر ..الا ما كتبت

لا شوقى ولا رامى

لن اصنع لك ثوبا

لن يبقى لك خجلا

لن القى لك اسما

اختارى الحب معى

كى اكتب لك قدرا

حياتى ..هى لك

هيا املكيها

حروفى وشعرى

هى لكى بعثريها

احلامى النائمة

صفقى ..ايقظيها

حركاتى وركضى

قومى وارقصيها

عاداتى وقيمى

ان شئت...غيريها

سارى الاشياء بعينيك

ساقول الشعر بلهجتك

ساشرب من اثر شفتيك

ساكل ان انت اكلتى

ساعيش ان انت اذنتى

ساموت لو لغيرى..كنت

تمت.

الجمعة، 5 يونيو، 2009

الى سمكتى..

قد يعشق طائر سمكة
ولكن اين يعيشان؟

الطائر حياته اجواء منطلقا

لا يعرف قيود السجن والسجان

والسمكة على اتساع البحر

محبوسة فيه

والهرب ليس فى الامكان

هل يقبل البحر طائرا ليعيش بين الموج والمرجان؟

هل تقبل السمكة فراق البحر؟

دروب خيال

علاقة مستحيلة بين عالمين لا يلتقيان

الا عند الشاطئ يجمع بحر وهواء.

هكذا حبيبى كنت اقولها فرحان

الان انطقها بالهمس والكتمان

حبى وحبكى كيف يلتقيان؟

الحب عندى بالفن والالوان

والحب عندك سجن..مفتاح مع السجان

شرق وغرب..كيف يجتمعان؟

حاولت قتل الحب..وليس فى الامكان

دفنته فى الثلج..ماذا عن الذوبان؟

دفنته فى الارض..لكن طرح ريحان

اغرقته فى البحر..وعاد للشطآن

اضعته فى الجو..تعلم الطيران

بحثت عنك ولم اجدك

اين انت يا نسيان؟

تغرقى حبى قتيلا

وتطلبى الغفران؟

لم يفلح مع الحب حجابا

ماذا عن الفنجان؟

ادعو لكى ام عليكى

فى صوت الاذان؟

كيف امحو حروفا نقشتها

فى القلب عالجدران؟

الويل من زمن شيمته الخداع

بيده كتب لقاؤنا وبالاخرى وداع

الى سمكتى ..

تمت.

بلا عنوان

لا اذكر انى فكرت يوما ان تكونى ملجاى الاخير

ومخباى الوحيد

فتكونى قدرى الذى اخشاه

ولا اعرف منتهاه

وتكونى مدينتى الاقرب والاغرب

وليس لدى غيرك لاهرب

اهرب اليك بعدما هربت منك خوفا عليك

كيف ستقابلينى؟

باحضان غادة عاشقة ام امواج بحر مغرقة؟

هل تشتاقى ؟ هل تعشقينى؟

هل غاضبة ؟ هل ستقتلينى؟

ام لن تبالى وستتركينى؟ ام اليهم تسلمينى؟

اقتلينى انتى ولا يقتلونى

او يقتلونى فدموعك ودمى

سيرويان شجرتى المزروعة

فى قلبك

حقا مازلت تذكرينى؟

ام ماتت شجرتى بعدى؟

قتلها الشوك والشوق لرجوعى؟

ام انتى اقتلعتيها ليزرع احدهم مكانى ؟

انا قادم لا محالة وساصرع من زرع مكانى؟

احذرى شهيد حب ساعة استشهاد

فانا قوى لم يصرعنى احد سواك

وسواك لن يكون امامى

وان مت فشجرتى تدفن معى

احرقوا اوراقى

اطلقوا حصانى

واتركو سيفى هو قادر على العيش بدونى

علمته صيد القلوب

عرفته كل الدروب

ليعيش سيفى بغمده

ليقولوا مات وسيفه …

يضرب كانه لم يموت

وكان زمنه لم يفوت

حتى اذا فى الحشر جاء

وتقابلا فوق السماء

اجعل من الشجرة اوراق

اكتب عليها اهداء

يحمله اليكى الحصان

قاطعا كل الاجواء

اليكى يا احلى البشر

اليكى يا عطش وماء

قتلتينى حبا ..عشتى على ذكراى

رتلينى كسورة الا نسان

اصرخينى كاى صوت ناى

لا تنسى ولن انساك

وبلا وداع الى ان القاك

تمت.

المصرى

سهران فى مصر والسهرة صبّاحى

على شط نيل بيداوى فى جراحى

علمنى اكون فلاح

ويا ريت ما علمنى

ارمى البدور فى الارض

وتنّى مستنى

سهران فى مصر وناسها سهرانة

يمكن مبسوطة وفرحانة

يمكن مالجوع شبعانة

دى الشمس عندينا ما بتغرب

بتتوه على جبين الفلاح

عشاه دى فضلة خيرك

ممكن فطيرة وشهد من بلاص

ويمكن جبنة ومش مالملاح

ويمكن ما يلقاش ياكل

لكن ينام مرتاح

فى حضن ام العيال

عاش حبه فى العتمة

حبلت وجابت بت

راح سمى بته صباح

********************

المصرى مؤمن بالقدر

عمره ماخاف

ان جاع؟..ياكل

من غير غموس..عيش حاف

محروم ومن الزمن

ياما شاف

لو جرحه ينزف دم؟

كفه يكفيه ..بلا اسعاف

يعوم الضحكة فى بحر دموع

وف عز برده ..نار بين الضلوع

نار بتحرق ماتخليش سواد جواه

يفضل سواد الننى لو شايفاه

يفتن حريم انجليز بشعر اصفر

ومدام فرنسية قدامه تتمختر

يا دوب سواد الليل..

والصبح ان ابصر..

مالوش غير لهطة القشطة

مصر ام خد احمر

*********************

المصرى جده كان مخزن غلال

خلّف ولد يقبل معونة

يزرع شجر تحته ينام

والغلال ملعونة

والقطن راح فين؟

الطويل العالى

مات..وابو سويلم وعبد الهادى

وعلى اخر نفس قالوا:

ان اخر الفجر نهار

قالوا اياك يوم تنهار

او تجيب على نفسك عار

او تهد بايدك دار

تمت.

عاوزانى ارسمها

عاوزانى ارسمها ومش عارف

ارسمها ازاى

لا هى وردة ولا هى فراشة

ولا عازف ناى

ماسمحش لنفسى ارسمك..

بقلم والوان

اللى رسم وجهك خالق

فشر الرسام

وانام ..اشوف بدرك بارق

اطغاس احلام

مارسمش شفايف على اوراق

ماتقولش كلام

ومارسمش عيون منها انا خايف

مافيهومش حنان

ولا ارسم حواجب مسنونة

ولا اى سهام

ولا حتى صفين..لولى يا لولى

قصدى الاسنان

طيب والقد؟ قولولى بجد

لو فى الامكان

ارسمه اجمل؟ ولا بالشعر..

اكتبله ديوان؟

**********************

ارسم شفايفك بفراولة؟

بس دى جمرة

تسوىّ خدود وتخليها

على طول حمرا

ورغم ان عيونك

مش خضرا

لكنها ساحرة وقادرة

وشعرك اللى الليل ..

غار منه

راح للرموش قال:

امتى تحنو؟

وقوامك اللى التوب

دة خفاه

وتعب التوب..وانا

قلبى معاه

ملفوف على قد

بيتمايل وبيتقسم

وهى فاكرة بالساهل

اقعد وارسم

تمت.

صراعى مع البحر

الوهم ..انك تعشقينى

وما البحر الا صديق

كلمة احبك..طلبتها منك

وكان ردك:لا يليق

فى دروب العشق

لا توجد لياقة..

او آداب للطريق

لا سلطة فى الحب

تعلو احضان العراة

وتقبيل العشيق

فاردت قتل البحر

بالسيف ..او بالسم

ولن يجدى الحريق

اهرول اليك..فتسرعين له

وتخلفى وعدى لتوفى نذره

يا بحر

مستعد ان القاك

يا بحر

اقاتلك فى مجراك

من اجلها..

مستعد ان اقاتل عاريا

بلا جيشى بلا فرسى

بلا درعى بلا سيفى

لو كنت مثلى تعشقها…

قاتلنى بلا موج

فهى ترانى بلا عتادى

لحم ودم كأى بشر

ليتها تراك بلا موجك

ليتها عنك ..تغض البصر

لو كنت طامع فى النساء

انظر الى الشاطئ..

كم منهن تعشقنى..

بحبيبتى يا بحر

هل تقايضنى؟؟

احبها فقط وتحب الجمال

يكفينى حبها ويكفيك الجدال

كفى العاشقين شر القتال

هيا انظرى الان

البحر يخذلكى

وانا بنساء الارض

لا ابدلكى

تمت.

بالروح بالدم

ماتقوليش بالروح بالدم

ماتصدعنيش كفاية يا عم

سيب الواحد فى الهم

والزمن اللى حاله يغم

وهاقولك كفاية حرام

انا زهقت من الارقام

اسعار من غير لجام

وعلاوة يادوب عنوان

مانشيت بالالوان

مايوكلش اللى جعان

يضحكو بيه عالغلبان

ماتقوليش دا المكتوب

دا انت بقيدك مسحوب

مش شايف او معصوب

ويمكن مجبور مغصوب

بس ربك رب قلوب

عمره ما يحكم بالمقلوب

وما ينساش الغلبان

والناس من الجوع بتموت

قطرعليهم بيفوت

والقطرمركب حوت

وفتوة معاه نبوت

وفلوس فى ايدين هلفوت

بيغنى ويقول توت توت

وانا وانت فى طابو القوت

ياما تركب قطر الموت

يا تحته جسمك مفتوت

كلام وقولته من غير صوت

يمكن صح يمكن ملتوت

تمت.

وبعدهالك يا بلد

وبعدهالك يا بلد

امتى تحنى عا الولد

دا الحزن فاق العدد

والجرح كاسى الجسد

والعالى اصبح هدد

حتى اقل المدد

بقى بين سنان الاسد؟

زهقنا من ولد اللئيمة

اللى بقو دلوقت قيمة

والله بردو تبقى عيبة

لما حالنا يكون كدة

*****************

مرة قطر ويوم سفينة

وكام تصادم فى المدينة

وحريق بيشرد اهلينا

والامان بقى موضة قديمة

ممكن نقول بقى فيلم سيما

فيلم رعب مش من هنا

تعالى قرب مننا

تشوف وتعرف اننا

بحراوى ولا من قنا

بيحب جدا البلد

وبعدهالك يا بلد…

***************

مش عاوز اقلب النظام

ولا همى اعمل واد همام

انا نفسى بس اقول كلام

من غير ما تدونى الامان

بلدنا عاوزة عرق

وقلم حبر وورق

من غير لا خوف

ولا قلق

وقبل ما يصيبكم زهق

استودعكم رب الفلق