الجمعة، 15 مارس، 2013

مبروك





ملعون ابو كلمة " بحبك "
وملعون ابو القلب اللى حَب
رجعنى بعد ما كنت سيبتك
قلبى وانا عارفه ابن كلب

كنتى قولى انك بضاعة
جارية معروضة فـ مزاد
يشتروا .. سمعاً وطاعة
رخيصة مهما المهر زاد

كنتى قولى مفيش نصيب
وكنت هابعد من سُكات
كنت قولت لقلبى عيب
والف غيرها من البنات

يا فرحة الشمس اللى حبيتك عليها
بكرة تضحكلى بشماتة
يا حسرة الدنيا وما فيها
عصفورة ويّا خيال مآتة

يا ريتك ما حبتنيش
او حسبتيها بعيوبى
كل الحكاية حد غيرى
جيبه اتقل من جيوبى

علشان كدة ..

ملعون ابو كلمة " بحبك "
وملعون ابو القلب اللى حَب
رجعنى بعد ما كنت سيبتك
قلبى وانا عارفه ابن كلب

محمود قلماوى ܓܛܟ