سألونى عنك يا قلبى
قالولى : مين جواك؟
نادرين روحهم هدية
واهبين العمر فِداك
انا قُلت إنك مسافر..
عاوزين يسافرو وَرَاك
قولتلهم سفرك بعيد..
قال ايه : هانستناك
قولى وسرك فى بير
مين أغلى؟ مين شاغلاك؟
حرام تشغل قلوبهم
وتتعبنى انا وياك
قولى بتهوى الجميلة؟
ولا ام قلب ملاك؟؟
قولى تحب القريبة؟
ام الحنان ساقياك؟؟
إياك تِعشَق بعيدة..
علشان دى مطنشاك
شكلك بتحب جارتك
الواقفة فى الشباك
امال بتحب مين ؟؟
حيرت قلبى معاك
خليك سهران لوحدك
براحتك وعلى هواك
بسببك النوم خاصمنى
إنسانى..يا رب أنساك
شكلك غاوى عذاب
وحكايتى مش ناقصاك
تمت.
بسم الله الرحمن الحيم
ردحذفبتمنى ان يوصلك تعلقى على الكلامات الرائعة الى فى المدونة
لانك بجد انسان موهب وحساس سواء فى شعر الرومانسى او الوطنى او الدنيى بادعوا الله ان يوفقك وتستمر هذه الموهبة الجميلة وتنموا وتزداد
يا رب
اختى الحبيبة
ردحذفاحساسك الصادق وصلنى قبل كلماتك الغالية
انا اكتب ما اكتب بفضل تشجيعك ودعاءك
يا رب يخليكى ليا ولاولادك
ايوة كدة عايزين موضوعاتك الشيقة دى علطول لو انت فاكرنى انا بتاع مدونة سلوى دوت كوم وارجوا زيارة المدونة لانهة تم نشر مواضيع جديدة
ردحذف