الاثنين، 15 مارس 2010

قصة حبيبين









وحشتينى .. ايه رايك نخرج؟

قالتله: موافقة يا حبّوب

بالحٌضن اتقابلت عيونهم

وربنا يعلم بما ف القلوب

قالها: تطلبى إيه يا حياتى

فَنجرى وعزمها على مشروب

قالتله بحبك.. ولو تبقا حلالى

دة يوم الهنا وأجمل مكتوب

قالها : حبيبتى اليوم دة بيبعد

الدنيا غالب وانا مغلوب

بصيتله بشوق وقالتله:بحبك

لو كنت حتى عجوز كركوب

كلام كتير والوقت سرقهم

من العصر لحد الغروب

البيه حاسب وقامو يتمشو

وإشترالها كمان دبدوب

قالتله: حبيبى كفاية إتاخرنا

البيت زمانه كمين منصوب

سلّم عليها وسلامهم طَول

وكأن الوقت دة مش محسوب

كل حبيب يرجع على بيته

ويعيشو مع العشق حروب

هى تنام حاضنة مخدتها

وهو ينام ويقوم مرعوب

…….………

(¯`v´¯)
`*.¸.*´
¸.•´¸.•محمود قلمــــــــــــاوى
(¸.•´ (¸.•´ .•´ ¸¸.•¨¯`•. ¸¸.•¨¯`•.


هناك تعليق واحد: