كل عام وانتم بخير

بسرعة فات شهر الصيام
دوِّب معاه شَمع الفانوس
واخِد معاه فجر وقيام
سايب حَنين جوة النفوس
وهلال بعيد يلمع جديد
يحضن سما ف نجوم يبوس

وحبيبتى مرسومة ..
سُكر على كحكاية
العيد فى بسمتها
وعديتى ضحكاية
ياما نفسى اوصفها
او احكيها ف حكاية

و بلدى يا زينة
عروسة لابسة جديد
امسكى فى ايدى
دى توهة زحمة عيد
ما تشتريش بالونة
تاخدك وتجرى بعيد

بريئة يا مصر

(1)

أنا كُنت فاكر البلد دى

راكِبها 100 عَفريت

حاكمين مالكين وارثين

واكلين شاربين

وبيرمولنا الفتافيت

(2)

كُنت فاكِرهم .. ولاد ابالسة

مش زيّنا من طين

لا لا.. من حَجر جِرانيت

ما يقدر عليهم موت

ولا دود مقابر ولا توابيت

(3)

ولا دَعوة المظلوم بتحوّق

ولا صَرخة المحتاج بتفوّق

ولو تِنطق ف يوم تِتروّق

مستعبدينا ولاد التييييييت

(4)

وكُنت بقول :

يا مصر ليه ساكتالهم؟ !!

مكشرة ف وشى وضاحكالهم؟

ولو اسالك تقوليلى: إسالهم

اخاف ..

لايردو الكلام شلاليت

(5)

وكنت اتمنى اقولك وحشتينى

ارجوكى ماتكسفيش اشواقى

وتقولى إبعد بعيد

يا جعان يا عشوائى

لا تكتب على اسمى شِعر

ولا حتى فى الحواديت

(6)

فاجأة لقيتك مصر تانية

متّزوقة بفستان

متّزينة بماشالله

وجوز جرس حِلقان

بإبتسامة ستى ((مريم))

والصوت كأنه صوت ادان

مِتحنية بلون الدم

والزفة خارجة من الميدان

يا سِت الكل يا كايداهم

يا سابقة الكل وفايتاهم

رِجعتى مصر ايام زمان

(7)

عرفت يومها إنك حبيبتى

وإكتشفت إنك بريئة

كِدب عليا زمانى الاخرس

كان مدارى الحقيقة

وانا كُنت فاكرك قاتلانى

اتاريكى مدبوحة بنفس النَصل

وحاميكى يطلع حراميكى

آه من قليل الاصل

والسِم سارح فى عروقك

و شبابك مَصل

جيشك بيحمى الشرعية

والشعب همزة وصل

تمت.

ليتها ســــ♥ـلوى

اعود الى ♥♥سلوى♥♥
بطلة قصتى وفتاة اشعارى

فقط هى من يستحق

جَنتى وعَدن انهارى

وغيرها لم يكن حباً

كان عبثاً باقدارى

اعود لسلوتى ووحيدتى

من ليست للعابرين مزارٍ

فما اجمل ان تكون مليكتى

وتكون القصيدةٌ دارى

الى هنا انتهت قصيدة ((اعود لنفسى))

ومن هنا تبدا قصيدة (( ليتها سلوى ))

كُلما مالت على كتفى وردةٌ

وفرحت بها فجرحتنى شوكةٌ

قلتُ : ليتها كانت سلوى

لم يجرحنى عِطرها ابدا

وكُلما سقيت طائراً شارداً

ثم رحل .. دون أن يودعنى

تذكرت إبتسامة سلوى

لم يفارقنى طيفها ابدا

وكُلما وقعتُ وإنكسرت

ولم اجد ساعداً يٌساعدنى

إشتقت لكفىّ سلوى

لم يخذلنى كفها ابدا

وكُلما قشرت برتقالة

وإنكشفت حاضنةً سرتها

تمنيت احضان سلوى

لم انعم بلمسها ابدا

وكُلما نِمت وحيداً او غريباً
لا حبٌ ولا صدقُ ولا مأوى
وكلما ناديت احياءاً وامواتاً
ورد الصدى : بلا جدوى
علمت باننى اهذى
وليس بارضنا سلوى

{.◕‿◕.}

محمود قلمــــاوى .

انا مصرى

برغم حبى لك يا ريس

مصر اكبر من رئيس

مصر اكبر من برادعى

حتى لو باعها برخيص

مصر اكبر من اى ظابط

خصوصى لو ندل وخسيس

مصر اكبر من ميدان

اكبر من مليون جبان

اكبر من سيف الإخوان

والتحرير وعياله السيس

ومع إحترامى لك يا ريس

وتاريخك والكام إنجاز

مش هانسى طوابير العيش

وضحايا انابيب الجاز

مش هانسى جيش العاطلين

وبنات داسها قطر الجواز

مش هانسى الشرطة اللى هانتنى

وكلاب السكة اللى كلتنى

ولا سابت دمى وشربتنى

ولا هانسى عروبة رجمتنى

بقالب طوب وبيوتها إزاز

وبرغم رفضى لك يا ريس

حافتكرك بالخير يا مبارك

حافتكرك بالبدلة الميرى

وطيارة بتخوض فى معارك

حافتكرك بتحرر طابا

وقائدنا وسيد لقرارك

حافتكرك تفتح فى مصانع

وامانك فى كنيسة وجامع

وسنين العِشرة مفيش مانع

وإياك تخرج من دارك

وهاقول .. نعم .. للاستقرار

يا امريكا يا تعابين الغار

يا جزيرة يا كذب الاخبار

انا قبطى نسيب النبى

انا المصرى سِيد الاحرار

انا مصرى مؤيد معارض

ومسيحى ومسلم ورافض

انا النيل ولو دمى روافد

يروى كل مصر عمار

محمود المصرى .

الدفتر

إستيقظت يوماً على صوت دفاترى

تصيحُ أوراقى : اين انت؟

هل حقاً ستهجرنا؟

ولن تَعد انت من كُنت؟

تشاجر معك شيطانك؟

هرب الشعر وحِصانك؟

تكسرت أقلامك فإعتزلت؟

اسرعت الى مرآتى

انا!.. اعرف تلك الصورة

والشيطان فى بيتٍ

من زجاج الحِبر قارورة

وحصانى يدور برأسى

ولم تعد أقلامى مكسورة

أنا بخير.. ولا شئ ينقصنى

لطالما ضللت طريقى ..

وطريقى ستعرفنى

ترتدى الكلمات قميصها العارى

وتأتى كى تراقصنى

تغنى الألحان أنفاسى

والموسيقى تعزفنى

بلا قدرٍ يعاندنى

ولا جرحٍ سينزفنى

ومِن ميناء السطر الأول

فى بحرِ الصفحات البِِيض

قلمى راسياً لا ينوى السفر

كان سيروى قصة حبٍ

لكن حبيبى غدر

كان سيكتب اسم صديقٍ

إنتقم منى وانتصر

والبحر يوماً ما سيخون

والموج دوماً ينتظر

فانا اضعت البوصلة ..

والرُبان انتحر

دفترى الان..

يشبه غرفة الإعدام

يحاصر قلمى البياض

إن تقدم للامام

حتى الصفحات المكتوبة

إن رجعت الى الوراء

يُعدم فيها الحب شنقاُ

والصدق صعقاُ بالكهرباء

الى أن ماتت كلماتى

وصارت خواطرى أشلاء

قصائدى تنزف حرفها

يفوح منه ريح الحِبر

لم يعد الدفتر دفترى

حولته لمجرد قبر



تمت.

انفعالات

بسم الله الرحمن الرحيم

احبابى فى الله واصدقائى ..

هذه هديتى لكم من دفترى الخاص , اتمنى ان تكون ذات قيمة وان تروق لكم

محمود قلمــاوى ,,

الى قلمى العنيد

يا نٌص قلم رصاص..
عيب عليك
كمل معايا الصورة..
ربنا يخليك
لو يمشى خطك عِدل
تحتار ممحاتى فيك
حاتسوق عليا العوج
دة انا اكسرك وابريك

احلام ضد الاستسلام

وبرغم موت احلام كتير
لسة فاضل حلم ما استسلمش
انا ايوة قولت كلام كبير
ولسة باقى سُكاتى ما تكلمش
ولسة فاضل حلم
ما يقدر عليه الخوف
ولسة عندى كلام
تاه فى ظلام الجوف

محتاج لجرة قلم

تفتح عينيه ويشوف

إهداء لكل محترفى تمثيل الحب

ماكانش حب دة كان تمثيل
ودموع تماسيح عالعين تسيل
انسى اللى فات
قلبى خلاص مات
والفيلم دة بقا دمه تقيل

الى انسانة فارغة

إسمعى ما اقول وانصتى
ام انتى ايضاً صماء
كفاكِ بالورودِ تظاهراً
فانتى حقاً جرداء
ظاهركِ خواء وداخلك..
مجرد خواء
لم تخدعينى.. فقط اثرتى دهشتى
فضاء يهبط من فضاء

ودة حال الزمن

فى زمنى ..
الحب قصص مخفية
رجل يبحث عن سراب
وانوثة غير حقيقية
وإمرأة فى إنتظار الحب
من شُرفةٍ قَمرية
الشمس لن تدرك القمر
بالنورِستُلقى التَّحية
فليبقى كلٌ فى مداره
انا لن اعشق إنسية

ليلة امتحان التكاليف

سهران صباحى ليلة امتحانى
والمحاسبة جابتلى الخفيف
ودماغى مسافرة كاس العالم
تتفرج على واد حريف
يادوب اراجع بكوباية شاى
وحتة جبنة مع نص رغيف
ضريبية وخاصة وشركات
ومش ناقصاكى يا تكاليف
عديها على خير بدعوة امى
وابويا اللى دفعلى المصاريف

الى فتاة مغرورة

تكفى انا واحدة لاعرف كونكِ من تكون
انتِ خصمى وشاهدى والقاضى والقانون
فلا يدعى الحب ابدا من بالـ اناــ مفتون
لم اطلب فيكِ ليلى ولم اكن مجنون
تعالى انتِ من كنتِ وقولى كُن فاكون

يا شمس

سالت ليه يا شمس تغربى قبل الميعاد
خايفة من عين حبيبتى ورمشها الجلاد؟
ولا من نور جبينها دة يتفات عشانه بلاد؟
خليكى ضى سماكى شمعة فانوس مِتقاد
انا ليا شمس لوحدى غير شمس العباد

الى سمراء

قاتلتى انتِ يا سمراء

يا نجمةً شرقية ..

تضاهى نجمات السماء

فاتنة الضفائر ..

لامعة العيون ..

بين الورد زهراء

عالية المقام وجوهرة ,

على تاج النساء

ذات الفستان الاحمر

اخاف عليكِ من حُمرة الفستان

تطير عقولنا ويغازلك الشُبان

واخاف عليا من كحل بعيونك

يزداد جمالك وغيرى يحبونك

الى صديقتى

اجتمعت عيون الخلق حولكِ
فتألقى .. ولكن بحساب
و بعد ان يدخل الحب قلبكِ
لاتنسى ان تغلقى الباب
واحذرى نظرات حسادك
فليس الورد وحده منكِ يغار
بل وكل من كانت جميلة
بحضوركِ فارقتها الانظار

واكتر من كدة ايه

اعود اليك دوماً مُكبلاً
بالحب يوماً وبالشوقِ مُحملاً
انتى مسرحى وبطلة قصتى
والاخريات دوراً مُكملاً
فتوجهى بالحب صوب محرابى
فان تحول قلبك مشرقاً او مغرباً
لرد قلبى بالعشق مُتحولاً

السيد احمد عز: المصريين شعب مرفه

يا عِز يا ابن العِز
قلبك حديد ما يتهز
قالولى إنك باشا
لو اكلمك اقوم افزّ

بتقول علينا مرفهين
موبايل بكاميرا وعربيات
انت معاك احدث ليموزين
واحنا قديم لادا وفيات

انا مش عازول ولا حاسد
ولا عمرى كنت يوم فاسد
انا نفسى افهم ماشية ازاى
واحسب بكرة لو كان جاى
لو تحتكر انت الحديد
انا احوِش سيخ على سيخ
بس حرام تفرض ضرايب
على بيت ما بيدوقش الطبيخ

النائب حمدى القصاص ((وطنى طبعا)) : يجب اطلاق النار على المتظاهرين للحفاظ على الامن

يا وطنى
سؤال واجع راسى
انا هاسأله بقا وخلاص
غِش وتَزوير ولا بكوسة
إزاى نجحت يا قصاص
مِش معقول تِنجح بالناس
وتِرجع تِضربهم بِرصاص
روح بقا مِنك لله
كسرنا وراك قُلة وبَلاص

فى رثاء لوحة الخشخاش

فتح عينك.. تاكل ملبن
غمض عينك.. تقبض كاش
سرقو اللوحة فى عز الضهر
اهى دى السرقة ولا بلاش
والحراس قاعدين مساطيل
ما هم حارسين لوحة خشخاش
لو شاف الخيبة عمنا فان جوخ
كان مات بالسكتة ولا يوم عاش

مع تحياتى..

محمود قلمــ♥~♫~♪~ــاوى

هو & هى

هي:

الي متي؟
اكذب الاقرباء
ازيفاً ما يدعون
أم هم الاصدقاء
يقولون أ نك زير نساء
وان ضحياك بلا احصاء
فماذا تقول انت لأخرس
دعاوي هؤلاء؟

هو :
قولى لهم..
من بين الضحايا
انا ضحيته الاخيرة
اوقعنى فى شَركِه
وصرت له أسيرة
أعتقنى وحررنى
وجعل منى أميرة
لا تخوضو فى حبنا
ورتطى فيه كبيرة

هي:
يقولون لي
كاذب مخادع
كل يوم له اسيره
تحتل عرش قلبه
ويقول هي الاميره
ثم يقتلها
ليوقع الجديده

هو:
يقولون !!
وإن تسمعيهم تلعبى بالنار
تعيش بداخلى بنات افكار
ازوجهم لاوراقى لينجبا اشعار
فلكم تغزلت بشهرزاد..
ولم اكن يوما شهريار

هي:
اخاق ان اتكون شهريار
وتقطع رقبتي
بلا سابق انذار
تائهه انا حقا
بين الاقوال
فلتبرهن لي حبك
وإلا صدقت الاقوال

هو:
متهم انا بالحب
وفى القلب تهمتى ودليلى
للعاشقين درب
ان كنتِ عاشقة اياكِ عنه تحيدى
بالحب ستصلين ارضى واوطانى…
وان تسمعى لهم..
سموم كلامهم تصل الى وريدى

هي:
اخاف ان ابحر
في دروب هواك
فأقع في شباك
اخاف ان اصل ارضك واوطانك
فتصلبني علي بوابه خداعك
أخاف ان اسمع لهم
فتقتلنا سموم كلامهم
وتنقض عهدنا اقوالهم

هو:

ضحايا وكذب .. خوف وخداع
بربكم.. اين تجدون الجمال؟
إنكسرت اخر اقلامى
وضاع النَظم والارتجال
سأهجر بيتى..
وأبيع قصائدى
احزم امتعتى
واعد مراكبى
فانا قدرى الترحال

هي:
رحيلك يعني صدق الكلام
وانكسار قلمك يعني نضوب البيان
إن ضاع نظمك وإرتجالك
لملمه من اوراق النساء
فلكم نظمت الشعر في أخريات
وبعتهن القصائد
وخدعتهن بمعسول الكلام
فاحزم امتعتك وارحل
دون جدال

هو:
راهنت فى الحـب بقلــمى
ربحت الحب والقلم ضاع
تجيدين الشعر والكــلمات
كمـا التمثيـل والاصــتناع
تالقـتى كثيرا بمسـرحــى
وفـى الاخيـر سقط القناع
امامهم اشتريــت الحــب
ليتهم يدركون من بـــاع
نعم عرفت قبلك
اجمل منك واطيب منى
استمتعو بالحب
اما انتِ .. فـلا تستـحقى

هي:
كثيرات تألقن بمسرحك
خدعتهن بالبطوله
واعطتهن ادوار مجهوله
كذبا حبيبي ادوارك
فمن تلعب امامك
مصلوبه علي جدار اوهامك
سراب حقا حبك
فلا حبيبة لك
ولا بطلة لقصتك

تمت.

*.*.*.*.*.*.*.*.*.*

قامت بدور هى / مرمر

قام بدور هو / محمود